Isch muss mer jedsd e mol Luft mache.

Moi Kinner gehn alle drei in Neistadt uff die Schul. Deswege faare se jeden Morge mitm Fahrrad an de Bohnhof in Wacherem. Unn jedie Woch sinn so hundgemoine Dreggsäck unn Hutsimbel unnerwegs, die nix onneres zu due hawwe, wie de Kinner die Fahrräder kabbudd zu mache. Geschtern hamse moine Dochder alle zwee Räfe blatt gschtoche. Do warn schunn de Saddel geklaut, die Bremse durschgschnitte, die Kett runnergemacht usw. Nedd bloss bei moine, bei viele onnere aa.

Hot des gemoine faule Lumpepack nix besseres zu due, wie Zeig von onnere kabbudd zu mache? Die ham doch känn Reschpegd mehr, vorm Eigetum vunn onnere. So Babbsäck, denne kehrt de Arsch versohlt bis er glieht, die keern schaffe gelosst bis die Finger bluude. Unn wonn se frooge warum, glei nochemol druff bis se grinse!

Kennt do vielleischt nett ä mol die Gemoinde was unnerneemme? Mol so än Beowachter hieschicke, oder ä Komeraaddrapp uffhenge, oder irgendwas. Die Bleedkepp geh  mer jo sowas vunn uff de Zinder!

So, jedsd geht mers besser, des hot emol rausgemisst!

 

Advertisements